بدون عنوان …..
سعاد بيكا
الحمد لله اللي كاينة الموت
القاطعة النفس فخطرة
جهلات الخوت
لامن يسأل وصبح الدم ماء
ياك اللي تنزل للجوف غير قوت
والقوت واحد وخا يكون
عسل الشهدة
ترزن اخبي وتبث
راه الخاوة حدها الدنيا
فكر مزيان وراجع الحساب
قبل ماتشدك الشمتة
آييه يفوت الفوت
وباش تنفعك الهضرة
وتقول كيف اللي سبقوك
مصاب تساعفني اليام
ونصلح كلشي فمرة
هبيل وسكنك الغرور
ومعرفتي آش تما
قطعتي جدورك وفرحتي بالاغصان
وبقيتي على صحابك تتباهى
خوك خوك
لا يغرك صاحبك
قالوها الناس لولا
حقيقة هي وماغريباش عليك
لكن فبحور التيه غرفتي
وعلى الخاوة تتلاهى
الفلوس تسالي والصحة تخون
وتبغي تسأل وتسقسي
وتحد الملاغة
يكون صافي مشى الحال
وساعة الفراق وصلا ت
والموت علينا حق مانردوها
وهذا جهدي فحق ناسي الخاوة.
من ديواني : الحرف الضيوم
